Në datë 12.02.2022, në mjediset e portit Durrës, është zhvilluar një takim publik, me kandidaten e Partisë Socialiste për kryetare të Bashkisë Durrës Znj. Emiriana Sako, e cila aktualisht është edhe Kryetare e Bashkisë, së bashku me Rektoren e Universitetit “Aleksandër Moisiu”, Znj. Kseanela Sotirofski, Drejtorin e Përgjithshëm të Agjencia Kombetare e Punesimit dhe Aftesive, Z. Klevis Hysa, Drejtorin e Autoritetit Portual dhe studentë të Universiteti “Aleksandër Moisiu”, ku u shpall Programi i Specializimit dhe Praktikave Profesionale.

Ky takim vjen në një kohë që përkon me periudhen zgjedhore në referim të Vendimit nr. 2 datë 22.1.2022 i Komisionit Rregullator, për zgjedhjet e pjessshme vendore të datës 6 Mars 2022, duke shkelur qartazi Nenin 91 dhe 92 të Kodit Zgjedhor të Republikës së Shqipërisë, pasi drejtues të organeve publike apo enteve te tjera, pavarësisht nga burimi i kapitalit ose pronësia së tyre, marrin pjesë në një veprimtari me karakter politik i cili nuk rezulton të jetë i njoftuar më parë në ndërfaqen e raportimeve të KQZ, sipas parashimieve të nenit 6

Gjatë këtij takimi, sic vërehet nga statusi në profilin personal ne Facebook të kandidates, Znj, Sako shkruan: bëmë të ditur se në fazën e parë do të jenë 10 të rinj që do të përfitojnë ekeperiencë pune për tu integruar me profesionistë karriere në administratën portuale. Ne iu bëmë të ditur studentëve se Bashkia e Durrësit do të shpërndaje këtë vit 2000 kartat e para të studentit me të cilat ata do të përfitojnë një sërë lehtësirash në jetën e përditshme.”

Qëndresa Qytetare kërkon nga Komisioni Qendror i Zgjedhjeve, marrjen e sanksioneve administrative bazuar në nenin 172 te Kodit Zgjedhor dhe nenin 10 të Vendimit nr. 9 datë 24.12.2020 të Komisionit Rregullator, ndaj drejtorit të ADP Z. Pirro Vengu, drejtorit të AKPA Z. Klevis Hysa dhe ndaj subjektit zgjedhor Partia Socialiste e Shqipërisë dhe kandidates Znj. Emiriana Sako.

Provat:  Link:

1- https://www.durresport.al/index.php/portfolio/shpallja-e-programit-te-specializimit-dhe-praktikave-profesionale-ne-fushen-e-administrimit-portual-10-shkurt-2022/?fbclid=IwAR22ZIj7y2jy9xfHUlXz-SuCgaMNMXISYd0RzKQl7WLuUXSWtqqCwKjpLSk

2- https://www.facebook.com/emiriana.sako/posts/336030588534426

3- https://www.facebook.com/durresportauthority/posts/360562206076155

4- https://www.facebook.com/uamdofficial/posts/1361710334274154