Në datë 10.02.2022, në fshatin Obot, Drejtori i Agjencisë Kombëtare së Mbrojtjes Civile, z. Haki Cako, së bashku me kandidaten e Partisë Socialiste për Krytare e Bashkisë Shkodër, Znj. Majlinda Angoni, e cila kishte deklaruar më datë 07.02.2022 dorëheqjen nga posti i Prefektes së Qakrut Shkodër, kanë vizituar familjen Gocaj, duke premtuar përvec ndihmave materiale dhe nisjen e procedurave për ndërtimin e shtëpisë së djegur, nga ana e AKMC.

Nga provat bashkëlidhur, shihet se është vënë në mbështetje të kandidates së PSSH, një organ publik dhe drejtuesi i këtij organi, në një dalje publike, në një kohë që në referim të vendimit nr. 2 dt. 22.01.2022 të Komisionit Rregullator, përkon me periudhën e afateve proceduriale që lidhen me zgjedhjet e pjesshme, i cili detyron institucionet publike të raportojnë aktivitetet me karakter publik që prej dt 31.01.2022, duke shkelur vendimet e Komisionit Rregullator dhe Nenin 91 të Kodit Zgjedhor.

Ky takim është transmetuar nga media lokale TV1 Channel – Shkodër

Gjithashtu në shkelje të Nenit 6 pika 3 të Vendimit Nr. 9 dt. 24.12.2020 të Komisionit Rregullator, Z. Haki Cako, gjatë orarit zyrtar të punës, shfaqet pranë kandidates në zgjedhje në një veprimtari me karakter publik, aktivitet ky i cili nuk rezulton të jetë i njoftuar më parë në ndërfaqen e raportimeve të KQZ.

Qendresa Qytetare kërkon marrjen e sanksioneve administrative bazuar ne nenin172 te Kodit Zgjedhor dhe nenin 10 të Vendimit nr. 9 dt. 24.12.2020 të Komisionit Rregullator, ndaj drejtorit te AKMC,  ndaj subjektit zgjedhor Partia Socialiste e Shqipërisë dhe kandidates Znj. Majlinda Angoni

Provat Link:

1- https://fb.watch/bpOiTB6DGq/

2- https://www.youtube.com/watch?v=FY7tLoDy4Hs

3-https://www.facebook.com/majlinda.angoni/posts/10222701056049219