Në datë 20.02.2022, në fshatin Thanasaj, me pranin e kandidates së PSSH për kryetare të Bashkisë Lushnje, Znj. Eriselda Sefa dhe drejtuesit politik për qarkun e Fierit, Taulant Balla, Drejtori i Agjencisë Kombëtare së Mbrojtjes Civile, z. Haki Cako, ka vizituar punimet e investimeve mbi Lumin Shkumbim të financuara nga fondi i AKMC, duke promovuar edhe investimet e ardhshme.

Ky aktivitet vjen në një kohë që përkon me fushatën zgjedhore në referim të Vendimit nr. 2 pika 2 datë 22.01.2022 i Komisionit Rregullator, për zgjedhjet e pjesshme vendore të datës 6 Mars 2022, duke shkelur qartazi Nenin 91 dhe 92 të Kodit Zgjedhor të Republikës së Shqipërisë, pasi drejtues të organeve publike marrin pjesë në një veprimtari të ndaluara, në referim të Nenit 3 pika 1.1/b të Vendimit nr. 9 date 24.12.2020 të Komisionit Rregullator, ku kanë promovuar investimet me interes publik, aktivitet i cili nuk rezulton të jetë i njoftuar më parë në ndërfaqen e raportimeve të KQZ, sipas parashimieve të dispozitave ligjore.

Gjatë këtij takimi, sic vërehet nga statusi në profilin personal ne Facebook të kandidates, Znj. Eriselda Sefa shkruan: “Bashkë me Taulant Balla dhe Kreun e Emergjencave Civile Haki Çako, inspektuam nga afër punën që po kryhet për ndërtimin e pritës mbi Lumin Shkumbin në fshatin Thanasaj.”

Qëndresa Qytetare kërkon nga Komisioni Qendror i Zgjedhjeve, marrjen e sanksioneve administrative bazuar në nenin 172 te Kodit Zgjedhor dhe nenin 10 të Vendimit nr. 9 datë 24.12.2020 të Komisionit Rregullator, ndaj Drejtorit të AKMC z. Haki Cako, ndaj subjektit zgjedhor Partia Socialiste e Shqipërisë dhe kandidates Znj. Eriselda Sefa.

Provat: Link

1- https://fb.watch/bkKNTt4UdL/

2- https://www.facebook.com/eriselda.sefa1/posts/119908377272722

3- https://www.facebook.com/b.taulant/posts/485733019584909