Në datë 16.02.2022, në Spitalin e Lushnjes, nën pranin e kandidates së Partisë Socialiste të Shqipërisë për kryetare të Bashkisë Lushnje, Znj. Eriselda Sefa, e cila aktualisht mban postin e Kryetares në detyrë, drejtuesi politik i Partisë Socialiste për qarkun e Fierit, Taulant Balla dhe ministrja e Shëndetësisë dhe Mbrojtjes Sociale, Ogerta Manastirliu vizituan ambientet e Spitalit të Lushnjes me rastin investimeve të zhvilluara në atë institucion spitalor.

Ky aktivitet vjen në një kohë që përkon me periudhen zgjedhore në referim të Vendimit nr. 2 datë 22.1.2022 i Komisionit Rregullator, për zgjedhjet e pjessshme vendore të datës 6 Mars 2022, duke shkelur qartazi Nenin 91 dhe 92 të Kodit Zgjedhor të Republikës së Shqipërisë, pasi drejtues të organeve publike marrin pjesë në një veprimtari të ndaluara, në referim të Nenit 3 pika 1.1/b të Vendimit nr. 9 date 24.12.2020 të Komisionit Rregullator, ku kanë promovuar investimet me interes publik, aktivitet i cili nuk rezulton të jetë i njoftuar më parë në ndërfaqen e raportimeve të KQZ, sipas parashimieve të dispozitave ligjore.

Gjatë këtij takimi, sic vërehet nga statusi në profilin personal ne Facebook të kandidates, Znj. Eriselda Sefa shkruan: “gjej rastin të falenderoj Kreun e Grupit Parlamentar të PS, Taulant Balla dhe Ministren Manastirliu të cilët premtuan angazhimin konkret të qeverisë që godina e #SpitaliLushnje të rikonstruktohet, por gjithashtu të zgjerohen shërbimet e specializuara nisur nga numri i madh i pacientëve që pret çdo ditë!”

Qëndresa Qytetare kërkon nga Komisioni Qendror i Zgjedhjeve, marrjen e sanksioneve administrative bazuar në nenin 172 te Kodit Zgjedhor dhe nenin 10 të Vendimit nr. 9 datë 24.12.2020 të Komisionit Rregullator, ndaj dhe ministers së Shëndetësisë dhe Mbrojtjes Sociale, Ogerta Manastirliu, ndaj subjektit zgjedhor Partia Socialiste e Shqipërisë dhe kandidates Znj. Eriselda Sefa.

Provat: Link:

https://www.facebook.com/114450444485182/posts/118339360762957/

https://ata.gov.al/2022/02/16/manastirliu-dhe-balla-investime-te-tjera-ne-spitalin-e-lushnjes/

https://fb.watch/bgMLyg8WDS/

https://www.facebook.com/b.taulant/posts/483537039804507

https://www.facebook.com/OgertaManastirliu/posts/484024386427736