Më datë 19.01.2021 Kryetari I Bashkisë së Tiranës Erion Veliaj me anë të një postimi në faqjen e tij Facebook postoi një veprimtari ku së bashku me Kryeministrin e Shqipërisë Edi Rama dhe Ministrin e Rindërtimit Arben Ahmetaj I dorëzojnë banesën e rindërtuar nga tërmeti 2 qytetarëve Ramazanit dhe Gëzimit në Zall-Herr, me mbishkrimin Sot, në Zall-Herr, së bashku me Kryeministrin dhe Ministrin e Rindërtimit vizituam shtëpitë e reja të Ramazanit dhe Gëzimit. Jam shumë entuziast që puna për rindërtimin e shtëpive të dëmtuara nga tërmeti vazhdon pandalur, që çdo familje të ketë një shtëpi më të mirë, më të bukur dhe më të fortë.Bashkë do t’ia dalim! # TiNukDoJeshKurrëVetëm.”

Ky veprim I tyre është në kundërshtim me nenin 3, pika 1.1, gërma “d” I vendimit nr.9, datë 24.12.2020 të Komisionit Qendror Zgjedhor. Më konkretisht në këtë vendim parshikohet si ‘veprimtari të ndaluara për tu promovuar’ të cilat janë veprimtari publike që përfshijnë mbështetjen dhe promovimin e objekteve të rindërtuara ose në proces rindërtimi nga fatkeqësitë natyrore.

Për sa mësipër kerkojmë shqyrtimin e rastit nga ana juaj dhe marrjen e masave sipas parashikimeve të vendimit të mësipërm.